أصول للقول كتير بيدى ناظم وواضع

عومت ف بحرو عوم ومنه شارب وراضع

فضل الله عليا العامل المتواضع

شيطان المعن قدامى ساجد وخاضع

///////////////////////////////////

فى طرق المعن شهد الجميع بعلامنا

لو بص بعنيه يرعب كتيبه غلامنا

فى اصل الهوا بنشوفو ميل قدامنا

وبعد الاحترام لــ ناس تعز كلامنا

///////////////////////////////////

تعبت مْن السكات البالى عقلى وْراسى

اتعدل القلم واتحط فوق كراسى

عارف ايه حقول فـْ نفسى واثق راسى

حافضح طبع ناس كان همهم اخراسى

////////////////////////////////////////

لا جورا نجور لا جينا يوم زطلنا

بنراعى الضعيف وعليه ما اتباطلنا

فى سد الحقوق لا بطينا لا اتماطلنا

ونقبل دوس لئيم اكفايه خوف بطلنا

/////////////////////////////////////

ثم تلاه الشاعر عبد الناصر أبو بكر من مواليد محافظة أسوان والذي قرأ من شعره:

أنا قلت للحلو: لجلك بعت أنا ناســــي

فكّر شويه وقال الحلو: أنا ناســـــي

أنا قلت مش مشكله يا حلو..بس بغيـظ

وأكلت جـمـيـز بعد ما راح .. أنا ناسـي

ـــــــــــــــــــــــــــــــــ

يا ناسي فضلــي وفاكر بس أفضالك

والقلب ساعة صفا بالســــر أفضالك

قلم الوفا من زمن بصَّمنـــي ومَضالك

وما دمت هانت عليك العشــرة بالساهل

وبِعتنــــي لجَل خاطر ناس ما تستاهل

صبرك عليــــا يا جاهل .. لمّا أفضالك

ــــــــــــــــــــــــــــــــــــــــــــــــــــــــــــــــ

إن كان على نيِّــتـي ..أنا نيِّتي صافيـه

وانتي اللي ماشيه على شوك الهوى حافيه

فاكراشــي لمّا دخــلنــا لبعضنا قافيـه

أنا يومها مش قلت لك .. وحلفت بالكعبــه

لا الحُب لعبة .. ولا كل الأمـور عافــيــة